清文指要/考翻譯

滿洲語拉丁轉寫

ere mudan ubaliyambure be simnere de, gebu alibuhao, akūn.

simneci oci, esi sain oci, damu bithei šusai ainahai ombini.

wei kooli, sini gesengge jakūn gūsa gemu simneci ombime, sini beye teile simneburakū doro bio, tere anggala jurgangga tacikūi juse gemu ojoro bade, šusai be ai hendure. simneci ome ofi, sini deo ere sidende teni hacihiyame manju bithe hūlambikai. hūdun gebu yabubu, nashūn be ume ufarabure.